Woh Waqt Yaqeenan Ayega | वह वक्त यकीनन आएगा | Mir Hasan Mir Nohay 2021 | New Nohay 2021

                                               NOHA LYRICS  

Woh Waqt Yaqeenan Ayega

Kabhi Aye Haqeeqat e Muntazir, Nazar Aa Libas e Mijaz Main

Ky Hazaron Sajday Tarap Rahe Hain, Meri Jabeen e Niaz Main

 

Woh Waqt Yaqeenan Ayega, Woh Waqt Yaqeenan Ayega

Jab Hujjat e Daur Ky Hathon Main, Ghazi Ka Alam Lehraye Ga

Woh Waqt Yaqeenan Ayega

 

Jis Din Sajjad (as) Ky Ashqon Ki, Tadaad Bataye Jayegi

Aur In Ashqon Ky Badle Main, Talwar Chalaye Jayegi

Is Sar Sy Jism Juda Hoga, Talwar Sy Jo Takrayega

Alam Lehraye Ga, Woh Waqt Yaqeenan Ayega

 

Har Ekk Mazloom Ki Ass Hai Yea, Hujjat Ka Shams Tullu Hoga

Phir Sham Jigar Sy Utregi, Sajjad (as) Ka Khatam Ruku Hoga

Phir Noor e Aman Youn Phelay Ga, Har Zulm Ko Rondha Jayega

Alam Lehraye Ga, Woh Waqt Yaqeenan Ayega

 

Dadi Ka Haq Woh Mange Ga, Apni Talwar Ky Sath Kabhi

Jo Hath Ridain Loot’tay Hain, Kaat Jayengay Woh Hath Sabhi

Tatheer Ky Ghar Ki Surat Phir, Koi Ghar Na Loota Jayega

Alam Lehraye Ga, Woh Waqt Yaqeenan Ayega

 

Abad Baqaiya Ga Jis Ja, Woh Roza Kaise Toota Hai

Kis Kis Ny Yahan Kaise Kaise, Sadat Ky Ghar Ko Loota Hai

Talwar Batati Jayegi, Woh Khoon Behta Jayega

Alam Lehraye Ga, Woh Waqt Yaqeenan Ayega

 

Baghi Ki Baiti Jis Ny Bhi, Choti Bibi (sa) Ko Bola Tha

Namoos e Nabi Ko Rahon Main, Durun Sy Jis Ny Mara Tha

Un Sub Ko Bana Kar Qaidi Wo, Bazar e Sham Main Layega

Alam Lehraye Ga, Woh Waqt Yaqeenan Ayega

 

Phir Ehlebait Madinay Main, Abad Karainge Ghar Apna

Aur Lainge Bani Hashim Mil Kar, Kuch Parday Daron Ka Badla

Abbas (as) Ki Chup Bhi Tootay Gi, Besher Bhi Taigh Uthayega

Alam Lehraye Ga, Woh Waqt Yaqeenan Ayega

 

Gohar Mulkon Ki Sarhad Sy, Insa’n Taqseem Nahi Hoga

Haan Naam Nehad Mazahib Main, Qura’n Taqseem Nahi Hoga

Woh Adil Sari Dunya Ko, Ekk Adl Ka Shehar Banayega

Alam Lehraye Ga, Woh Waqt Yaqeenan Ayega

Noha | Woh Waqt Yaqeenan Ayega (Title Noha 2021)

Recited By | Mir Hasan Mir

Poetry By | Hussain Gohar (DG Khan)

Composition | Marhoom Haji Iqbal

Audio Recorded By | ODS Studio (KARACHI)

Video & Editing By | TNA Production

Follow Us On Our Other Social Media Channels: -

Facebook: https://www.facebook.com/AEHazadarehu...

Instagram: https://www.instagram.com/aeh.azadare...

Official Website: https://azadarehussainofficail.blogsp...

Youtube: https://www.youtube.com/channel/UCH54...

Gmail: azadarehussainofficail@Gmail.com